Boqolaal kun oo arday ayaa soo Wajahaya Baqdin madaama Musyaqbalkooda qorsho shaqo uu kiciyay culays lagu Saaray Deymaha aan la bixin.
Isbedelka lama filaanka ah ee maamulka Madaxweynaha Maraykanka Trump ee ku yimid shuruucda fiisaha ardayda ajaaniibta ayaa kor u qaaday qorshooyinka in kabadan hal milyan oo arday caalami ah oo hada ka diiwaangashan machadyada ku yaal Dalka Mareykanka oo dhan, iyadoo qaar badan ay ka cabsi qabaan mustaqbalkooda.
Hay’adda Socdaalka iyo Dhaqanka ee Mareykanka (ICE) ayaa shaacisay inay ka qaadi doonto fiisaha ardayda ajnabiga ah ee koorsooyinkooda oo dhan ay u wareegeen khadka internetka sababo la xiriira Cudurka Safmarka ee Coronaviruska, iyadoo dadka dhaleeceeya ay ku tilmaameen tallaabada “nacayb” iyo qeyb ka mid ah siyaasada socdaalka ee madaxweyne Donald Trump.
Tilmaanta Barnaamijka Booqashada Ardayda iyo Barnaamijka Martida ee Hay’adda Socdaalka iyo Dhaqanka ee Mareykank a waxay u badan tahay inay ku dhufato boqolaal kun oo arday ah, gaar ahaan kuwa ka yimid wadamada Aasiya, maadaama ay qasab ku tahay inay ka baxaan Dalka Mareykanka ama ay la kulmaan masaafuris ama Tarxiil.
Kuwo badan oo iyaga ka mid ahi waxay la kulmi karaan rajada ah barashada fog ee dhinaca kale ee adduunka, halkaas oo aagagga waqtiga, isku xirka internet aan la isku halleyn karin, iyo mamnuucista internetka ay ku adkayn doonaan dhammaystirka barnaamijyadooda shahaadada – haddii aysan suurtagal ahayn.
Marka loo eego cilmi-baaris ay sameysay Hay’adda Socdaalka iyo Dhaqanka ee Mareykanka , ku dhawaad boqolkiiba 80 dhammaan ardayda caalamiga ah ee Mareykanka waxay ka soo jeedaan Dalalka Shiinaha Iyo Hindiya ee Qaaradda Aasiya, iyadoo Dalalka Shiinaha iyo Hindiya ay ku dhawaad kala bar yihiin.
