Qaraxyo Xoogan Oo Ka Dhacay Garoonka Diyaaradaha Buulo-Burte

0
34

Wararka ka Imaanaya Degmadda Buulo-burte ayaa sheegaya in Garoonka diyaaradaha Buulo-burte ee Gobolka ay saakay ka dhaceen qaraxyo is xig-xigay, kuwaasi oo Jugtooda si weyn looga maqlay Gudaha Degmadda Buulo-burte.

Qaraxyadaas oo gaarayay Saddex Miino nooca dhulka lagu aaso ah ayaa waxaa ay si gaar ah ay uga dhaceen hoolka nasashada loogu talagalay ee Garoonka diyaaradaha degmada Buulo-burte, waxaana halkaas soo gaaray burbur xoogan.

Sawirro laga soo qaada gudaha Garoonka laguna faafiyay baraha Bulshada ayaa muujinayay burburka xoogan ee soo gaaray hoolka nasashada, waxaana gebi ahaan dhulka yimid saqafka hoolka.

Xubno ka tirsan Maamulka Degmada Buulo-burte ee Gobolka Hiiraan ayaa sheegay in qaraxyada aysan geysan wax Khasaaro dhimasho iyo dhaawac ah, maadaama xiliga qaraxyada ay dhacayeen ay aheyd waaberigii hore ee saaka oo goobta aysan joojin dadka.

Wararkii ugu dambeeyay oo aan ka heleyno Garoonka Buulo-burte ayaa sheegaya in Ciidanka dowladda iyo kuwa AMISOM ay halkaas ka wadaan howlgal miino baaris ah, isla markaana waxaa xiran waddooyinka gala iyo kuwa kabaxa Garoonka.

LEAVE A REPLY

Please enter your comment!
Please enter your name here